«Лезги газетдиз» Мегьарамдхуьруьн райондин администрациядин пресс-къуллугъди хабар гузвайвал, райондин хуьрерин къенепатан рекьер аваданламишунин кIвалахар давам жезва.

ИкI, 7-августдиз Хъартас-Къазмайрин хуьре Валентин Эмирован куьчедани, Шоссейный куьчедин Кьуьчхуьр Саидан куьчедин къекъуьндал кьван мензилдани къир цунин кIвалахар тамамарнава.

Гила Кь.Саидан куьчедани, хуьруьн вини кьиле авай муькъуьн участокдани къир цадайвал я.

Ремонтдин кIвалахар пудратчивилин тешкилатди – «Прогресс» ООО-ди кьилиз акъудзава.

«Лезги газет»