Рутул райондин Хъуьлуьдрин хуьре виш ва вишелай виниз яшар хьайи агъсакъалар хьайиди чаз хъсандиз чида. Абур диндин рекьяй савадлу, диндин шартIар кьилиз акъудай ксар тир.
Агъадихъ агъсакъалрин шикилар, яшар, уьмуьрда кьилиз акъудай кIвалахар, пешеяр къалурна, абурукай куьруь малуматар гузва. Къуй чир хьурай акьалтзавай несилдизни чахъ гьихьтин зегьметкеш ксар хьанатIа…
Маллаев Башир 134 йисуз яшамиш хьана. Ам лежбер, колхоздин магьсулар цадай, никIериз тум вегьедай устIар, куьнуьчи тир.
Рамазанов Ражаб 123 йисуз яшамиш хьана. Ам колхоздин лежбер, хамар гьялдай, кIуртар, кавалар цвадай хъсан устIар, куьнуьчи тир.
Агьмедагъаев Ризван 100 йисуз яшамиш хьана. Ам колхоздин ацазвай калерин нехирбан тир.
Мирзоев Эскендер 103 йисуз яшамиш хьана. Ам Бакудин нафтIадин буругърин фяле, Самур дереда тIвар-ван авай гъуьрчехъан, колхоздин магьсулар цанвай никIерин къаравул тир.
Саидова Гьуьруьят 106 йисуз яшамиш хьана. Ам колхозчи, кIвалин кайвани тир.
Фрусова Тамай 99 йисуз яшамиш хьана. Ам колхоздин некIедин фермадин заведующий тир.
Къурбанов Гьуьсейн (шикил жагъанач) 129 йисуз яшамиш хьана. Ам сифте яз колхоздин багълар кутур багъманчи, куьнуьчи тир.
Саид-Агьмед Абдурашидов
