Ажалдиз мажал жедач.

Азият такурдаз регьятвилин къадир чир жедач.

Ам батинди ягъайди хьиз ава.

Ам вирт гъидай чIиж туш.

Ам гафунивай тухуз жедайди туш.

Ам руьхъ акур лам хьиз ава.

Ам фу хъуьтуьлариз чидайбурукай я.

Ам чиликай, цавукай хкатайди хьиз ава.

Арачи арайрай авахьда.

Ахмакь ахмакьдал дуьшуьш жеда.

Бахтлубуру бахтсузбур саймишдач.

Бахтуни чин гузвач.

Бубадин кIваликай рушаз кIвал жедач.

Бурж итимдин гъуьл я.

ВацIу датIана гьуьлуьхъди ялда.

Вилик вегьей кIвач кьулухъ хъийимир.

Гафуни гаф хада.

Гишиндаз тухдакай  панагь жедач.

Гъуьлни паб са хвалан яцар я.

Гьахълу гаф туькьуьл жеда.

Диде кIандайдаз дидед чIални кIан жеда.

Дуьньядин атIа кьилени хьуй, анжах жуванди хьуй.

Жуван гимидай жув акъудзава.

Жуван мецикай жуваз бала хкатда.

Иблисдин дабанар вилик жеда, кулар — кьулухъ.

Иеси галай кицI хшка жеда.

Ихтибардилай игьтият хъсан я.

ИчIи гъилиз гьич кицIни килигдач.

Кавча гъилевайда куьк чкадилай неда.

Кесибдин фу къафундив, къафун фав агакьдач.

Кисайдавайни илисайдавай яргъаз хьухь.

Куьшуьдал алукьай цIиб хада.

Къаргъадиз акур твар экъечIдач.

Къафун авачирла яван фуни къафун я.

КIваликай кIвал тийизвайда хуьре мискIин эцигзава.

КIвалин чуьнуьхгумбатI патан угъридилай хаталу я.

КIек жедай цицIибди какадамаз  гьарайда.

КIула кьун регьят я, авудун — четин.

Мез яргъидан акьул куьруьди я.

Меслят авачир кIвале селигъа жедач.

Мугьманвилиз гъил ичIидаказ фимир.

РикI дар хьун зайифвилин лишан я.

Руфун вилик кутуна, акьул кьулухъ мийир.

Сив кьуртIа, адан кIалхан рахада.

Тама чакъал кими жедач.

ТIан тахьай дана якIуз къведач.

Уьтквем хва диде-бубадин лувар я.

Хъсанвал ийиз алакьзавачтIа, писвални мийир.

Цанин кьве кьиляйни элкъведа.

ЧIуру хабар фад чкIида.

Ядай хва бубадал алукьдач.

Яд хьайи кIамуз яд хкведа.

Яраз цавай стIал ават тавурай.

Яран кашай хтайди хьиз ава.

КIватIайди — Ишреф Жаватов