Дагъустандин культурадин министерстводин пресс-къуллугъди “Лезги газетдиз” хабар гайивал, 28-июндилай 5-июлдалди республикада фольклордин ва адетдин медениятдин Международный “Дагъвияр” фестиваль кьиле фида. И мярекат 9-сеферда кьиле тухузва.
Фестивалда жуьреба-жуьре уьлквейрин ва Россиядин регионрин яратмишдайбурун дестейри иштиракда. Абурун арада Чехиядин, Словакиядин, Сербиядин, Ирандин, Индиядин, Азербайжандин, Къазахстандин ва маса коллективар ава.
Дагъларин уьлкведин патай республикадин медениятдин уьмуьрда кьиле фидай и кьетIен мярекатда фольклордин 50 дестеди иштиракда.
Фестиваль хъсан дережада аваз тешкилун патал виликамаз гьазурвилер акунва. Мукьвара РД-дин культурадин министр Зарема Бутаевади и месэладиз талукьарнавай совещание кьиле тухвана.
«Лезги газет»
