21-январдиз РД-дин Халкьдин Собранидин Председатель Заур Аскендерова кьетIен гьалара акьалтIай викIегьвал къалурай аялрив Халкьдин Собранидин Президиумдин къарардалди арадал гъанвай «За смелость и отвагу» медаль вахкана.

Шабагьдиз лайихлу хьанвайбурун арада 6 аял ава:  Махачкъаладин 22-нумрадин мектебдин 4-классдин ученик Рашид Агьмедов, Тюбедин мектебдин 5-классдин ученик Мугьаммад Ибрагьимов, Хунзах райондай тир 1-классдин ученица Залму Индугьова, Унцукул райондай тир 4-классдин ученик Адалав Мегьамедов ва Махачкъаладин мектебра 4, 5-классра кIелзавай Абдулбасир ва Мегьамедшапи Нурмегьамедовар­.

Винидихъ тIварар кьунвайбурукай сифтегьан кьуд гъвечIи кьегьалди батмиш жезвайбуруз куьмекна. Стхаяр тир Нурмегьамедоври алатай йисан июндин вацра Махачкъалада теракт арадал гъайи террористар тергзавай серенжем кьиле физвай чIавуз къанун-къайда хуьзвай органрин векилриз хъвадай яд тухвана.

Чи мухбир