14 йисалай чIехи яшда авай, паспорт къачунвай агьалийривай «Госкъуллугъар» порталдин хсуси кабинетдикай менфят къачуз жезва.
Мисал яз, жегьилриз ам Пушкинан карта (уьлкведа авай медениятдин идарайриз фин патал федеральный бюджетдай 5000 манат счетдиз къвезва) къачунин карда герек къведа. Къейд ийин, Пушкинан картадин сагьибривай неинки театрриз, выставкайриз, музейриз, филармонийриз, гьакI кинотеатрризни физ жеда.
«Госкъуллугъар» порталдин куьмекдалди болельщикдин картани туькIуьрдай мумкинвал ава.
«Мумкинвилерин навигатор» сервисдин куьмекдалди — пулсуздаказ са жерге мярекатрин, конкурсрин, лекцийрин, тренингрин, къугъунрин иштиракчи жезни.
«Гележегдин код» госпрограммадай пулсуздаказ программированидин курсара чирвилер къачуз жеда.
«Госкъуллугъар» порталдиз гьахьдай мумкинвал хьун патал паспорт ва СНИЛС герек я. И карда квез МФЦ-дин пешекарри куьмек гуда.
БТИ-дай справка
Жуван кIвачихъ галай юзан тийидай эменни авайвилин ва я авачирвилин гьакъиндай справка герекзавани? БТИ-дин и справка квевай «Зи Документар» (МФЦ) центрадай къачуз жеда.
БТИ-дай гузвай справка агьалийриз государстводин жуьреба-жуьре органривай тайин кьезилвилер къачудайла ва я яшамиш жедай кIвал къачунин нубатда акъваздайла герек къведа.
МФЦ-дай и справка къачуз кIанзавайбурув паспорт хьун герек я. Эгер ватандашдин патахъай адан векил МФЦ-диз физ хьайитIа, адав доверенность хьун чарасуз я. Эгер справка диде-бубайривай истемишзаватIа, — хизанда авай вирибурун хайивилин гьакъиндай шагьадатнамаяр.
И къуллугъ кIвалахдин вад йикъан къене кьилиз акъудзава. Госпошлина 500 манат я.
«Лезги газет»
