Гъалибвилин суварин юкъуз Сулейман-Стальский райондани, Россиядин вири пипIера хьиз, «Рекьин тийир полк» серенжем кьиле фена. Идакай «Лезги газетдиз» райадминистрациядин пресс-къуллугъди хабар гана.

Райондин центрадилай эгечIна, «Рекьин тийир полк» серенжемдин вахтунда чпин бубайринни чIехи бубайрин портретар гвай Гъалибвилин варисар Ватандин ЧIехи дяведа чанар гайи аскерар рикIел хкуниз талукь гуьмбетдал кьван фена. Мярекатдин жергеда райондин вири мектебрин векилар ва маса идарайринни тешкилатрин къуллугъчияр авай. Иштиракчийрин кьадарни йисалай-суз артух жезва.

«Лезги газет»