Мукьвара Мегьарамдхуьруьн районда муниципалитетдин депутатрин Собранидин нубатдин сессия кьиле фена. Адан сергьятра аваз депутатри Мегьарамдхуьруьн райондин кьил яз нубатдин сеферда Фарид Агьмедов хкя хъувуна.
“Лезги газетдиз” муниципалитетдин администрациядин пресс-къуллугъди хабар гайивал, Ф.Агьмедован кандидатурадин тереф сессияда иштиракай вири депутатри (40 касди) хвена. Ф.З.Агьмедов 1975-йисуз дидедиз хьана. Ростовдин госуниверситет, ДГТУ акьалтIарна. Жуьреба-жуьре йисара суддин приставрин къурулушда кIвалахна. 2010-йисалай инихъ Мегьарамдхуьруьн райондин кьилин везифаяр тамамарзава.
«Лезги газет»
