Мукьвара Сулейман-Стальский райондин Экенрин хуьре диндин чирвилерин межлис кьиле фена. “Лезги газетдиз” муниципалитетдин администрациядин пресс-къуллугъди хабар гайивал, мярекатда райондин имам Гьасан Амаханова, РД-дин Муфтиятдин Сулейман-Стальский районда авай марифатдин отделдин руководитель Мугьаммад Гьажимирзоева, Экенрин хуьруьн имам Эрзиман Расулова, чкадин жемятди ва масабуру иштиракна.
Диндин мярекат Кьасумхуьруьн имам Юсуф Къурбанова кьиле тухвана.
Чпин рахунра диндин векилри къенин йикъан тIал алай месэлайрай фикирар лагьана.
Къейд ийин хьи, ихьтин мярекатрихъ халкь сад авунин, агьалийрин арада авай алакъаяр мягькемарунин жигьетдай еке къуват ава. Идалайни гъейри, диндин межлисри экстремизмдин, терроризмдин идеологиядиз аксивал авунин кардани кьетIен чка кьазва.
Гьазурайди — Агьмед Магьмудов
