Квез чидани?

—           Алимри тестикьарнавайвал, Чилел алай дагълар 15 километрдилай виниз хкаж хьун мумкин туш. Акси дуьшуьшда абур чпин заланвал себеб яз чкIидай.

—           Виридалайни гзаф дагълар авай чка Азия я, виридалайни тIимил авай чка — Австралия. Австралиядин мулкарикай анжах 3 процент дагълари кьунва.

—           Санлай къачурла, дагълух чкайри кьураматдин майдандин 24 процент кьазва.

—           Дуьньяда виридалайни машгьур дагъ США-дин Нью-Гемпшир штатда авай Монаднок яз гьисабзава. Кьилди къачуртIа, и дагъда сифте яз альпиниствилел машгъул жезвай ксари  вердишвилер къачузва.

—           Жомолунгма (Эверест) дуьньяда виридалайни­ кьакьан дагъ я. Ам гьуьлуьн дережадилай 8848 метрдин кьакьанда ава.

—           Виридалайни кьакьанда авай (дагълух) меркез Боливиядин меркез — Ла-Пас я. Ам гьуьлуьн дережадилай 3600 метрдин кьакьанда ава.

—           Инсаниятди ишлемишзавай хъвадай цин 80 процент дагълар квай чкайрай хкудзава.

—           Европада виридалайни кьакьан дагъ Эльбрус я.

—           Венесуэлада авай дуьньядин виридалайни кьакьан Анхель чарчар Ауян-Тепуи дагъдилай гадар жезва.

—           Челябинскдин областда Карандаш тIвар алай дагъ ава.

—           Бутанда авай Гангхар Пуенсум дагъдин ку­кIуш-дал­ гьич са альпинистни акьахнавач. Себеб ам я хьи, диндихъ галаз алакъалу яз, Бутандин гьукумдарри дагъ­дин кукIушдал хкаж хьунал къадагъа эцигнава. Къайда чIурай ксар уьмуьрдивай хьун мумкин я.

«Лезги газет»