11-майдиз Вирироссиядин гьукуматдин идарайрин профсоюздин 100 йисан юбилейдин сергьятра аваз, профсоюз мягькемарунин кардик пай кутунай «Докъузпара район» МР-дин Кьил Абдурагьим Алискеров юбилейдин лишандалди къейдна.

Райондин кьилив гьуьрметдин лишан шад гьалара Докъузпарадин профсоюздин комитетдин председатель Эдуард Гьажибегова вахкана.

«Малум тирвал, районда профсоюздин комитет, виликан райондин кьил Керимхан Абасован ва республикадин профсоюздин комитетдин куьмекдалди 2010-йисуз арадал хканай. Алай вахтунда профсоюздин комитетдиз Докъузпара райондин регьбер Абдурагьим Алискерова куьмек гузва. Сагърай куьн, агалкьунар хьурай!», — лагьана Э.Гьажибегова.

Вичин нубатда А.Алискерова метлеблу шабагь гунай чугъсагъул малумарна, профсоюздин комитетдиз гележегдани куьмек гудайди лагьана.

Къейд ийин, юбилейдин лишандалди Э.Гьажибеговни къейднава. Мискискарин ва Аваданрин хуьрерин профсоюздин тешкилатчияр тир Мухтар Алиевавни Ибрамхалил Ибрамхалиловав чухсагъулдин чарар вахкана.

«Лезги газет»