Алай гьафтедин ислендин юкъуз Докъузпара райондин Кьил Абдурагьим Алискерова райадминистрациядин кьилин заместителрин, райондин тешкилатрин, идарайрин руководителрин ва хуьрерин администрацийрин кьилерин иштираквал авай нубатдин совещание тухвана.

Иштиракчияр йикъан месэлайрихъ галаз танишарайдалай кьулухъ, А. Алискерова сифте гаф райадминистрациядин экономикадин отделдин начальник Султанмурад Магьмудоваз гана. Ада 2018-йисан II-кварталдин налукар кIватIуникай, кIвалер ва чилер актуализация авуникай суьгьбетна.

Докъузпара райондин чилерин часпарар тайинарунин жигьетдай физвай кIвалахдикай малумарун патал райондин Кьили Музамедин Межидоваз гаф гана. Ада къейд авурвал, райондин вири хуьрера, анжах Авадан квачиз, и кIвалах акьалтIарнава ва гьа и гьафтеда тIвар кьур хуьрени и месэладив гатIунда.

Къведай гьафтеда Къуруш хуьре «Ярудагъ-2018» спортдин экстремальный жуьрейрай кьиле фидай ачух международный фестивалдиз аквазвай гьазурвилерикай райадминистрациядин кьилин заместитель Салигь Гьажимурадова суьгьбетна.

«Лезги газет»