27-мартдиз Дербент шегьердин кьилин духтурханада нейрохирургиядин отделение ачухуниз талукьарнавай мярекат кьиле фена. Ана шегьердин кьилин заместитель Видади Зейналова, депутатрин собранидин председателдин заместитель Айваз Алиханова, кьилин духтур Ислам Мурадова ва цIийи отделенидин заведующий Агьмед Иманшапиева иштиракна.
Ислам Мурадова къейд авурвал, шегьерда ихьтин отделенидихъ игьтияж фадлай авай. Гила Кьиблепатан Дагъустандин районрин агьалийривай, республикадин меркездиз ва я маса шегьерриз тефена, чкадал чпин сагъламвал ахтармишиз, мягькемар хъийиз жеда.
Агьмед Иманшапиеван гафаралди, цIийи отделение медицинадин рекьяй герек тир вири алатралди таъминарнава. И карди шегьердин духтурханада муракаб операцияр ийидай мумкинвал гузва.
Чи мухбир
