“Лезги газетдиз” РД-дин Кьилин ва Гьукуматдин Администрациядин пресс-къуллугъди хабар гайивал, Дербентди гъвечIи шегьеррин ва тарихдин метлеб авай хуьрерин Вирироссиядин конкурсда кIвенкIвечи чка кьунва.

29-майдиз РФ-дин Минстройди гъвечIи шегьерра ва тарихдин метлеб авай хуьрера къулай шартIар арадал гъун макьсад тир проектрин Вирироссиядин конкурсдин нетижаяр кьуна. Шад жедай кар ам я хьи, гъалибчийрин арада Дербент шегьерни ава. Ам 3-чкадиз лайихлу хьана. Россиядин къадим шегьердиз 50 миллион манат пул чара ийида.

Мярекатда иштирак авур РД-дин эцигунрин ва ЖКХ-дин министр Малик Баглиевани Дербентдин мэр Энрик Муслимова къейд авурвал, шегьердиз чара ийизвай пул менфятлудаказ ва кьетIен гуьзчивилик кваз харжда.

РикIел хкин, конкурсдин финалдиз Россиядин 82 региондин векилрин 198 проект акъатнавай. Иштиракчийри медениятдин ирс хуьнин, гъвечIи шегьерар вилик тухунин, анра архитектурадин къешенг проектар кьилиз акъудунин жигьетдай чпихъ авай фикирар лагьана. Жюриди абурун арадай виридалайни сечмебур хкяна.

Чи мухбир