27-февралдиз Госдумадин депутат Абдулгьамид Эмиргьамзаева «Сад тир Россия» партиядин председатель Дмитрий Медведеван патай РД-да агьалияр кьабулдай чкада цIуд ватандаш кьабулна. Идакай «Лезги газетдиз» «Лезгияр» милли порталди хабар гузва.

Депутатдин кьилив чпин жуьреба-жуьре месэлаяр гваз атай агьалийрин арада Кумторкалинский райондай тир дишегьлини авай. Ада депутатдивай вичин хтул рушан яшайишдин шартIар хъсанарунин карда куьмек гун тIалабна.

Набут аялдиз тербия гузвай махачкъалави дишегьлидиз яшайишдин рекьяй гьукуматди гузвай кьезилвилер арадал хкана кIанзавай. Малум хьайивал, сифтедай ада ихьтин кьезилвилер герек авач лагьана, абур кьабулнавачир. Депутатди республикадин пенсийрин фондуниз зенгна, анин векилрал арза гвай дишегьли кьабулун ва адан месэла гьялун тапшурмишна.

Каспийск шегьердай тир дишегьлиди кIвалин лифтини кIвалах тийиз гзаф вахт тирдакай ва ам туькIуьр хъувуникай садани фикирзавачирдакай лагьана. Ада малумарайвал, лифтини 2018-йисан 22-июндилай кIвалахзавач, кIвалерин агьалийри талукь идарайриз авур арзайрини са нетижани ганвач. И жигьетдай яз депутатди РД-дин яшамиш жедай чкайрин госинспекциядиз кагъаз ракъурда.

«Лезги газет»