Алукьнавай йисан апрелдиз Олимпиададин кьве къугъунрин гъалибчи Елена Исинбаева чи республикадиз мугьман жеда. Вичихъ Дагъларин уьлкведин дувулар авай машгьур спортсменкади “Каждый ребёнок достоин пьедестала” лишандик кваз алай йисан апрелдин вацра Махачкъалада, Дагъустандин волейболдин центрада, кьиле фидай республикадин акъажунра иштиракда.

Спортдин и жуьредин мярекатар Россиядин мад  5 регионда — Ставропольский крайда, Волгоградский, Воронежский, Саратовский, Белгородский областра кьиле тухун пландик ква. Абурун кьилин тешкилатчи Елена Исинбаева я.

Спортдин акъажунра, уьмуьрда четин уламрал ацалтна, яшайишдин рекьяй куьмекар гудай центрайра тербия къачузвай аялрин командайри иштиракда. Мярекатдин макьсад уьмуьрда четинвилер гьалтнавай аялриз куьмек гуникай, масадалай аслу тушиз яшамиш жез чируникай, жувахъ инанмишвал хкажуникай ибарат я.

Чи мухбир