И йикъара Дагъустандиз COVID-19 азардиз акси “Спутник Лайт” вакцинадин 26 400 доза мадни хканва. Алай вахтунда ам республикадин садакай масадак акатдай азаррин центрадай лазим тир вири истемишунрал амал авуналди (яни “холодовая цепь” хуьналди), махсус рефрижераторра аваз ва контейнерар ишлемишуналди, республикадин шегьерринни районрин азардиз акси рапар язавай пунктариз агакьарзава…
Эхиримжи делилралди, республикада COVID-19 азардиз акси яз “Спутник Лайт” вакцина янавайбурун кьадар 119 агъзурдалай алатнава. Малум тирвал, и раб са сеферда язава (са компонентдинди).
“Спутник Лайт” вакцина яна са шумуд югъ алатайла, адакай малумат рапар янавайбурун федеральный сад тир регистрда гьатзава, ам ягъайдазни QR-код гузва.
РикIел хкин: “Спутник Лайт” вакцинадикай COVID-19 азардиз акси раб кьвед лагьай сеферда язавайбуру (ревакцинация) ва азарлу хьана зур йис алатнавай ксари менфят къачузва. Духтурри къейдзавайвал, и раб ягъайбуру чеб хъсандиз гьиссзава, иллаки чIехи яшара авайбур патал (абуруз и азарди гзаф тади гузвайдал фикир желб авуналди) ам меслятзава.
«Лезги газет»
