Гьуьрметлу Нариман Шамсудинович!
Гьуьрметлу Сулейман-Стальский райондин агьалияр!
Чна квез рикIин сидкьидай райондин 90 йисан юбилей тебрикзава. ЧIехи камалэгьли, арифдар, XX асирдин Гомер СтIал Сулейманан тIварунихъ галай и район, а тIварцIин сагьиб хьиз, вири лезги махлукьатдиз сейлиди хьанва. И кардин гьакъиндай жуьреба-жуьре хилерай (сиясатдин, экономикадин, яшайишдин, медениятдин…) районди къалурзавай гьунарри, агалкьунри шагьидвалзава.
Вири дуьньядиз вишералди баркаллу рухваяр багъишнавай и район, вич элкъуьрна кьунвай лезги чилин кьиле, гекъигун хьайитIа, тупIалда авай къаш хьиз, хкатна аквазва. Къуй адан нур асиррилай асирралди мадни гужлу хьана, неинки Лезгистандиз, гьакIни вири Дагъустандиз вичин чешнелувилин экв къалурдай маякдиз элкъуьрай.
“Къурушрин сес” газетдин редакциядин коллектив
