Докъузпара райондин Кара­куьредай тир, алай вахтунда СВО-да иштиракзавай лейтенант  Александр Аладиноваз гзаф миллетрикай ибарат Дагъустандин халкьдин вилик лайихлувилерай «Дагъустандин халкьдин Игит» тIвар гана.

«Къизилдин гъед. Дагъус­тандин халкьдин Игит» — им яша­йишдинни экономикадин, руьгьдинни ахлакьдин, медениятдин жигьетрай республика еримлу авунин месэлаяр гьялуник еке пай кутурбуруз гузвай республикадин жемиятдин кьилин шабагь я. Ам 10 йис идалай вилик «Хайи Дагъустан» тешкилатди арадал гъана.

Къейд ийин, вичин аскерви­лин буржи кьилиз акъудайдалай кьулухъ (2015-йисалай) Александр Аладинова Россия­дин оборонадин министерстводихъ галаз икьрар кутIунна. Уьлкведин итижар хуьналди, дяведин махсус серенжем башламишай сифте йикъари­лай ада вилик жергейра вичин аскервилин къуллугъ баркаллувилелди­ кьилиз акъу­дун давамарзава­. Женгера­ тафаватлувилер­, ви­кIегь­вилер къалурунай ам идалай вилик РФ-дин Президент Владимир Путинан къарардалди Суворован медалдиз лайихлу хьана.

Чи  мухбир