1. Абасов Керимхан Саидагьмедович Дагъустан Республикадин хуьруьн майишатдин ва суьрсетдин министрвиле тайинарин.
2. И Указ адал къул чIугур йикъалай къуватда гьатзава.

Дагъустан Республикадин Кьил Р.Абдулатипов
Махачкъала шегьер 2017-йисан 6-июль, №156.

 

 

    К.С.Абасов 1959-йисан 9-мартдиз Дагъустан Республикадин Докъузпара райондин Къаракуьре хуьре дидедиз хьана.
1977-1983-йисара ДГУ-дин экономический факультетда кIелна ва анаг куьтягьна. 2008-йисуз Россиядин Президентдин патав гвай государстводин къуллугъдин Россиядин Академия акьалтIарна. Адахъ экономикадин илимрин кандидатвилин дережа ава.
1983-1986-йисара Дербент шегьердин “Электросигнал” заводдин производственный отделдин инженер-экономиствиле, ахпа 17-нумрадин цехдин начальниквиле, гуьгъуьнлай гьа и заводдин 1-нумрадин цехдин начальниквиле кIвалахна.
1986-1988-йисара “Электросигнал” заводдин Ахцегьрин филиалдин директор хьана. 1988-йисуз Къаракуьре хуьруьн “Октябрдин 60 йис” совхоздин директорвиле хкяна. 1995-йисалай Докъузпара районда авай федеральный казначействодин отделенидин руководителвиле зегьмет чIугуна. 2001-йисан апрелдилай Докъузпара райондин администрациядин кьилиз хкяна. 2005-йисалай 2017-йисан 6-июлдалди “Докъузпара район” муниципальный тешкилатдин кьил тир. 2017-йисан 6-июлдиз РД-дин хуьруьн майишатдин ва суьрсетдин министрвиле тайинарна.
Хизанда 3 велед ава.