— Яргъал чIугур уьгьуьяр квайла, таза келемдин пеш 1-2 декьикьада ргазвай циз вегьена, ахпа адавай вирт гуьцIна, хурудал эцигда. КIеви уьгьуьяр квайла, са пеш хурудал, сад далудал эцигда.
— Коклюшдин азар авайла, 5 силих серг куьлуь авуна, шир алай катулдиз вегьена, са истиканда авай нек алава хъувуна, зайиф цIал эцигна, са декьикьада ргада. Ахпа ам ирид йикъан вахтунда йикъа 2-3 сеферда 1/2-1/3 истикандавайди азарлу аялдиз гуда.
— Алимрин ахтармишунри къалурзавайвал, са йикъан къене тIуьр 100 г емишри ва салан майвайри рак азар артмиш хьун 5% тIимиларда.
— Инсультдик азарлу хьайибуруз чпин рациондик шефтелар кутун гзаф хийирлу я. Адак квай микроэлементри рикIин кIвалах хъсанарда.
— Хук тIазвайла ва хуквада хер авайла, девясил хъчади куьмек гуда. Хуьрекдин са тIуруна авай куьлуь авунвай девясилдин тумунал са истиканда авай ргазвай яд илична, 2 сятда тада. Ахпа са гьафтедин вахтунда йикъа 3-4 сеферда хуьрекдин са тIуруна авайди ишлемишда.
— Суткада 6 сятдилай тIимил ксудай инсанрик рак азар акатунин хаталувал иллаки гзаф я.
— Йифиз ахвар текъвезвайла, хмелдин шишкайрал са истикан ргазвай яд илична, 4 сятда тада. Ахпа ксудалди вилик 3/4 истиканда авайди хъвада.
“Айболит” газетдай.
Гьазурайди — Надият Велиева
