—        КIвачер-гъилер  гацум хьанвайла, банкадин са къатIаз зверобойдин хъчар вегье­на, винелай набататдин чими гъери илична, 20 юкъуз тада. Ахпа сенжефилдин (имбирь) дувул куьлуь авуна, аниз хуьрекдин са тIуру­на авай зверобойдин гъери яна, гацум хьанвай­ гъилеривай ва кIвачеривай гуьцIда. Идалай­ни гъейри, йикъа 2 сеферда компресс ийида.

—        Хук тIазвайла, лацу фан са кIус цIу­рур­навай дуьдгъвердал чрада, ахпа ам къайи­ла, 30 декьикьада са истиканда авай цик кутада. И яд йикъа 3-4 сеферда хъвада.

—        РикI кузвайла, са тупIавай кьел мецен кIаник кутуна, ам цIрадалди тада, ахпа уькIуь цуькIуьн туькьуьнда. Са шумуд декьи­кьадилай рикI кун акъвазда.

—        Мекьивал себеб яз,  азарлу хьанвайла, ягълавдиз са тIимил кьел вегьена, ифирда. Ахпа ам, памбагдин гуьлуьтдиз вегьена, кIва­чин кIанерал эцигна, винелай сун гуьлуьтар алукIда.

—        Гъилин ва я кIвачин тIуб тIаз, ирин хьанвайла, кьел хъсан дарман я. ТIазвай тIуб кьелен чими цик кутуна, компресс авуртIа, ирин хьанвай чка фад ахъа хьана, регьят жеда.

—        КIирийрин (облепиха) пешерин чай им­мунитет мягькемардай ва, мекьивал себеб­ яз, азарлу хьанвайла, ишлемишдай хъсан такьат я. Чайдин са тIуруна авай пешерал са истиканда авай ргазвай яд илична, тада. Ахпа ам, гьар яд кIан хьайила, хъвада.

—        МетIер тIазвайла, кьел, хуьрекдин со­да, вирт (гьар сад чайдин са тIуруна авайди) вири сад-садак хуькуьрна, 7 стIал йод ала­ва хъувуна, метIеривай гуьцIна, чими шарфуналди кIевирда. Ахпа 10-15 декьикьадилай чими целди чуьхуьн хъийида. Гьа икI вад юкъуз авун меслятзава.

“Айболит” газетдай.

Гьазурайди — Надият  Велиева