—           Чад Африкадин чIехи уьлкве я. Адан майданар 1284000 квадратный километрдикай ибарат я. Уьлкведин са кьадар майдан Сахара къумлухди кьунва.

—           Чадда 17 миллионни 400 агъзурдалай виниз инсанар яшамиш жезва.

—           Чаддин меркез Нджамена я. И уьлкведин сергьятрив Ливия, Нигер, Нигерия, Камерун, ЦАР ва Судан­ гва.

—           Чаддин шегьерра чкадинбурукай анжах 27 процент агьалияр яшамиш жезва.

—           Чад дуьньядин лап кесиб уьлквейрикай сад я. Ана образование ва медицина лап агъа дережада ава.

—           Чаддин 57 процент агьалияр мусурманар я. 40 процентди чеб хашпересар яз гьисабзава.

—           Уьлкведа араб ва француз чIалар официальнибур яз гьисабзава. Гьа са вахтунда чкадин агьалияр тахминан 120 жуьре чIаларал ва нугъатрал рахазва.

—           Чад тIвар алай вирин са кьадар пайни и уьлкведин мулкарал ацалтзава.

—           Чад акьван кесиб уьлкве я хьи, адаз гьатта наф­тIадин буругъар эгъуьндай такьатарни бес жезвач. Гьа­виляй ихьтин крарал ана РагъакIидай патан ва Китайдин тешкилатар машгъул я.

—           Чаддин агьалийрикай анжах 27 процентдивай михьи яд хъваз жезва, амайбуруз гьамиша ихьтин мумкинвал жезвач.

—           Юкьван гьисабдалди Чаддин агьалияр 48 йисуз­ яшамиш жезва. Чад агьалийри лап куьруь уьмуьр кьиле тухузвай уьлквейрик акатзава.

—           Чадда ракьун рекьер авач.

—           Гьар йисуз Россиядин вузра Чаддин агъзурдав агакьна студентри чирвилер къачузва.

—           Чаддин мулкара 4 милли парк ава. Закума тIвар алай парк виридалайни машгьурди я, ана 44 жуьре чIе­хи гьайванар (нек хъвадайбур) ва 250 жуьре къушар яшамиш жезва.

—           Чадда алахьай, рагъ авай югъ писди яз гьисабзава, марф къвазвай югъ — хъсанди яз.

—           Рахадай вахтунда Чаддин агьалияр сад-садан чиниз килигдач, им кутуг тавур кар яз гьисабзава.

«ЛГ»