Зун гьамиша гьейран ва ашукь я чи хайи чилин гуьзел тIебиатдал, Шалбуз дагъдал, ам такабурдиз тамашзавай лезги чилел, зарбдиз физвай Самурдал, сан-гьисаб авачир гьамга булахрал. Абурукай садакай заз инал рахаз кIанзава.
Ата-бубайри лугьуз ван хьайивал, ругуд лагьай асирдин вилик Ахцегьрин патав гвай Хкемрин хуьруьн мулкунал фан цин булах пайда хьана. Адан хъуьтуьл цин тIямдикайни менфятлувиликай и дереда яшамиш жезвай жемятдиз фадлай малум я. Пата-къерехда яшамиш жезвай бязи ватанэгьлияр, хайи ерийрал хтанмазди, и баркаван цин дад акваз, булахдал фидай.
И йикъара зун Бакуда авайла, къелемдин дустуни завай, мад сеферда къведайла, вичиз международный выставкада къизилдин медаль къачур Хкемрин “Арран” цин са шуьше гъун тIалабна.
Анай хтайвалди, а цин суракьда гьатай зун “Арран” карханадин иеси Мегьамед-Гьуьсейн Гьасановахъ галаз таниш хьана. Дугъриданни, райондин агьали тир Мегьамед-Гьуьсейн Гьасановича са куьруь вахтунда лезги чилин абукевсер цин дад дуьньядиз машгьурна. Ишлемиш тийизмай буругъ кардик кухтуна, лазим тир ахтармишунар тешкилна, чар-цIар, лицензия къачуна, са шумуд йис я кIвалахиз. Заказар гьар са чкадай къвезва. Дагъдин деринрай винелди еримишзавай михьи ва хийирлу ци республикадин ва адалай къеце базарра инанмишвилелди чка кьазва.
Кар ана ава хьи, “Арран” яд сагъламвал патал иллаки менфятлу я. Ада хуквадин, ратарин азарар сагъарзава, бедендин сагъламвилин гьал гуьнгуьна хутаз куьмек гузва.
Алай вахтунин экономика, бизнесдин сирер чидай М-Гь. Гьасанован дердияр цихъ галаз алакъалубур я. Къейд ийиз кIанзава хьи, рикIиз, фикирриз пара михьи кас тир Мегьамед-Гьуьсейн Гьасановича и кар халкьдин яшайиш хъсан хьана кIанзавай, баркаллу краралди машгьур ксарикай ибарат дестедихъ галаз гъиле кьунва. Чеб вири сагърай. Къуй чи булахрин ятар къвердавай артух, берекатарни бул хьурай!
Бикеханум Алибегова
