Цин лап деринра яшамиш жезвай ажайиб гьайванрикай сад балугъ-стIал я. Ам цин кIане, тахминан 600-1200 метрдин деринра, Австралиядинни Тасманиядин къерехра авай ятара яшамиш жезва. Эхиримжи вахтара балугъчийри и ажайиб балугъар цин винел акъудзавайвиляй абур терг жедай кьван чкадал атанва. Балугъчийри гьуьлуьн деринрай пахлаханар ва маса затIар кьадайла чилиниз балугъар-стIаларни къвезва.
Балугъ-стIал сифте яз 1926-йисуз Тасманиядин балугъчийри кьуна, амма са кьадарда ахтармишунин кIвалахар анжах ХХ асирдин кьвед лагьай паюна кьиле тухвана. Адан яргъивал вини кьил 30 сантиметрдикай ибарат жеда, заланвал — 10-12 килограммдикай.
Це явашдиз сирнавдай балугъ ятIани, сив ахъайна, са чкадал акъвазна, ада патавай сирнавна фидай гъвечIи гьайванар вилив хуьз ва абур нез жеда. Азиядин уьлквейрин агьалийри и жуьредин балугъдин як недай лезетлу затI хьиз ишлемишзава, европавийри лагьайтIа, акси яз, и балугъдин як нез тежедайди яз гьисабзава.
«Лезги газет»
