“Дагъустан” РИА-ди хабар гузвайвал, алатай гьафтеда республикадин суьрсетдин базарра къиметар хкаж хьанач. Дагстатдин делилрал асаслу хьана чешмеди къейдзавайвал, асул гьисабдай, емишрин ва майвайрин къиметар авайдалай хкаж хьанва.
Статистикади къалурзавайвал, чичIекрин къимет — 7,3, газаррин — 7,1, ичерин — 1,3, картуфрин 1,2 процентдин хкаж хьанва. Гьа са вахтунда помидорарни афнаяр ужуз хьанва. Вечрен какайрин къиметни 1,2 процентдин хкаж хьанва, кьел лагьайтIа, 2,3 процентдин ужуз.
Къейд ийин хьи, аптекайрай маса гузвай бязи дарманрин къиметарни багьа хьанва. Кьилди къачуртIа, натрийдин метамизолдин къимет 5,2 процентдин хкаж хьанва.
Пекер чуьхуьдай порошокдин къиметни виликандалай 1,9 процентдин багьа хьанва.
«Лезги газет»
