РД-дин Кьил Сергей Меликова республикадин парламентдал ва гьукуматдал армияда къуллугъзавайбурун аялриз куьмекар гун тапшурмишна. Идан гьакъиндай ада Украинада кьиле тухузвай махсус серенжемда телеф хьайибурун хизанрихъ галаз гуьруьшмиш хьайила лагьана.
“Военный къуллугъчийрин хизанра чIехи жезвай аялар бахчайра тайинарунин, образованидин идарайрик, кьезилвилер аваз вузрик, ссузрик кутунин карда куьмекна кIанда.
Ахьтин дуьшуьшар ава хьи, гъуьлуь республикадилай къеце армияда къуллугъзава лугьуз, адан уьмуьрдин аял бахчадиз къабулзавач. Инлай кьулухъ ихьтин дуьшуьшриз рехъ гана кIандач. Ватан хуьзвайбурун, кьилел алай иеси телеф хьанвайбурун хизанриз “ваъ” лугьун гьич фикирдиз гъимир”, — алава хъувуна Сергей Меликова.
Региондин кьили РД-дин Халкьдин Собранидивай военныйрин хизанриз герек куьмекар гунин гьакъиндай къарар акъудун тIалабна. Идалайни гъейри, муниципальный тешкилатрин вилик военныйрин гьар са хизандин гьакъиндай къайгъу чIугунин везифа эцигна.
«Лезги газет»
