“Лезги газетди” гьеле хабар гайивал, Дербент шегьердивай са акьван яргъа авачир До­къузпара райондин Авадан хуьруьн мулкара чи республикада лап хъсанбурукай сад тир гатун рухсатрин вахтунда аялри ял ядай ва чпин сагъламвал мягькемардай “Южный” лагерь кардик кваз гзаф йисар я — цIинин га­туз ана Дагъустандин гзаф рай­онрай ва  шегьеррай ял ягъун­ патал аялар кьабулиз  30 йис хьанва!

Алай вахтунда “Южныйда” 130 далайни гзаф (сад лагьай по­ток) аялри ял язава. Вири пуд по­ток (гьар сад 22 югъ) жеда. Агъадихъ чна и лагердиз бахшнавай шиирни гузва.

“Южный” я тIвар и лагердин

Каспи гьуьлуьн чиг алай.

Гад атайла чи аялрин

Чка я инаг рикI алай.

 

Ина вири шартIар ава

Дадашеврин зегьмет яз,

Цуькверлухар, тарар ава —

На лугьуди женнет я!

 

Махпур хьтин къацу тIулал

Серин гузва къавахри.

Лепе гузва кьезил гарал

Пуд рангунин пайдахри.

 

Коллектив я вижевайди —

Тарифуниз лайих я!

Везифаяр хивевай дуьз

Тамамариз айих я.

 

И лагердиз ша, аялар,

Куь сагъламвал мягькемиз,

РикIе аваз хуш хиялар

Хьухь гьамиша уьтквемдиз.

 

Чи мурад я — “Южный” лагерь

Виш йисара аваз хьурай!

Гад атайла бул аялар

Ина гьамиша акваз хьурай!

Нариман Къарибов