Ахцегь райондин администрацияда лезгийрин къагьриманвилин «Шарвили» эпосдин сувариз гьазурвилер акунин гьакъиндай тешкиллувилин комитетдин гегьенш заседание кьиле фена. Идакай «Лезги газетдиз» райадминистрациядин пресс-къуллугъди хабар гана.

Заседание кьиле тухвай райондин кьилин заместитель Алмас Шуаева къейд авурвал, гьар йисуз кьиле тухузвай, халкьар садзавай яржуниз элкъвенвай республикадин умуми суварин метлеблувал йисалай-суз артух жезва. 2019-йис иллаки лишанлуди я – цIи 20-сеферда яз Ахцегьа и гурлу сувар кьиле фида.

Заседанидал сувар вини дережада кьиле тухун патал гьазурвилер акунин жигьетдай вири месэлайриз галай-галайвал килигун, гьар са кар виликамаз ахтармишун ва гьялун лазим тирди лагьана. Куьчейра михьивал хуьнин, суварин юкъуз иштиракчийриз хатасузвал таъминарунин месэлаярни кьилди веревирдна. И кIвалахрин жавабдар ксар яз Ахцегь хуьруьн администрациядин кьил ва «Ахтынский» ОМВД-дин начальник тайинарнава.

Райондин кьилин заместитель А.Шуаева заседанидин иштиракчияр сувар кьиле тухунин пландихъ галаз танишарна.

Къейд ийин, цIинин йисан сувар 29-июндиз кьиле фида.

«Лезги газет»