И йикъара Ахцегь райондин Кьил Осман Абдулкеримова, пожардин къуллугъдин министрдин заместителар тир Жаруллагь Моллаева, Руслан Мегьамедова ва масабуру Ахцегь районда пожарный частунин дарамат эцигунин гьал ахтармишна.

Эцигунар кьиле физвай гьалдиз килигайла, райондин кьил ва министерстводин векилар эцигунрин еридилай ва кlвалахар кьиле физвай гьалдилай рази яз амукьна. Санлай къачурла, абуру эцигунрин кlвалахриз хъсан къимет гана. Гьа са вахтунда абуру гайи бязи теклифарни эцигунарзавайбуру хушдиз кьабулна. Къейдзавайвал, эцигунрин кlвалахар кьилиз акъудзавай устlарри дарамат тайинарнавай вахтунда акьалтlарда лагьанва.

«Лезги газет»