Ахцегь райондин образованидин вири идарайра Афгъанистандай советрин кьушунар ахкъудайдалай кьулухъ 30 йис тамам хьуниз талукь мярекатар кьиле фена. Идакай «Лезги газетдиз» Ахцегь райондин администрациядин пресс-къуллугъди хабар гузва.
Ватанпересвилин тербиядихъ зурба метлеб ава. Игитвилин, жуьрэтлувилин чешнейралди, ватанпересвилин тербиядалди чIехи жезвай аялрикай лайихлу ксар хкатда. Чи аскерри Афгъаннистандин женгера къалурай кьегьалвилерни ватанпересвилер несилрилай несилралди рикIера хуьн, абурун гьунарралди дамахун лазим я.
Ихьтин макьсадралди Ахцегь райондин мектебра кьегьалвилин тарсар, афгъанви женгчийрихъ галаз итижлу гуьруьшар, метлеблу суьгьбетар кьиле тухвана.
«Лезги газет»
