Алай йисан 6 вацран вахтунда республикада промышленностдин производстводин индекс 23,8 процентдин агъуз аватнава, хабар гузва республикадин статистикадин идаради.
Гьа са вахтунда, Кеферпатан Кавказдин федеральный округда 2019-йисан январь-июнь варцара, санлай къачурла, и делил 99,3 процентдиз барабар хьана.
Промышленный производство зур йисан вахтунда Чечняда, Ингушетияда ва Кабардино-Балкарияда хкаж хьанвайди къейднава.
Лагьана кIанда хьи, Дагъустанда гьялдай производствойрин, дарманар хьиз ишлемишзавай шейэр акъудунин, машинрин ва тадаракрин, ракьукай шейэр гьазурунин хилера производстводин индекс виле акьадайвал агъуз аватнава. Гьа са вахтунда мебель, резиндин ва пластмассдин шейэр, электротадаракар, парчадикай гьазурзавай ва хъвадай шейэр акъудунин кьадарар хейлин артух хьанва.
«Лезги газет»
