31-июлдилай 4-августдалди Дагъустанда образованидин месэлайрай агьалияр кьабулдай Гьафте кьиле тухуда. Ам «Сад тир Россиядин» Регионда авай общественный приемныйди, Россиядин Федерациядин сенаторрин, гьар жуьре дережайрин депутатрин, гьакIни талукь тир идарайрин ва министерствойрин векилрин иштираквал аваз тешкилзава. Агьалияр кьабулдай Гьафте «ЦIийи мектеб» проектдин сергьятра аваз кьиле тухузва. И карда амадагвилин куьмек Вирироссиядин жемиятдин «Россиядин бубаяр», «Россиядин тербиячияр», «Дидейрин совет» тешкилатри гузва.
Агьалияр Региондин общественный приемныйда пакаман сятдин 10-далай нянин сятдин 5-далди агъадихъ галай адресда кьабулда: Махачкъала шегьер, Ленинан куьче, 1 (67-83-72; 78-06-94; priem.pp05@mail.ru).
Малум тирвал, общественный приемныйра диде-бубайри образованидин жигьетдай къарагъарзавай месэлайрин чIехи пай, адет яз, аялар мектебдиз рекье тун патал документар гьазурунихъ, мектебар ремонт авунихъ ва къулай жуьреда туькIуьрунихъ, четин гьалда авай аялриз куьмек гунихъ, алава образованидин мумкинвилер гегьеншарунихъ, гьакIни аялри ял ядай вахт менфятлудаказ ишлемишунихъ галаз алакъалу я.
КIелунин цIийи йис алукьзавай вахтунда образованидин месэлайрай агьалияр кьабулун – им неинки школадиз фидалди яшда ва чIехи классра авай аялрин диде-бубайрин фикирар, теклифар, меслятар чир жедай мумкинвал я. ГьакIни им федеральный ва регионрин властри чпел къачунвай мажбурнамаяр ва месэлаяр кьилиз акъуднаватIа чирдай рехъ яз гьисабзава.
«Лезги газет»
