Сулейман-Стальский райондин больницадин инфекцийрин отделенидин заведующий, РД- дин лайихлу духтур, миграгъви хва  Саид  Незирметович  Саидоваз:

Вири къуват серф ийизва сагъвилиз,

Чи несилрин жегьилвилиз — чагъвализ.

Вун акун я зайиф касдиз — рагъ вилиз,

Лишан тушни и кар ви къуччагъвилин!

 

Куьре хуьрер валай пара рази я.

Ви гаф, белки, гьар са руьгьдиз рузи я,

Гьуьрмет пайиз, мярекатрин къази я!

Гиппократан кьин ви кьилин буржи я!

 

Хизандизни вун вафалу буба я,

Кайванини кIвалин таж я — къуба я.

Гьавиляй куь дережаяр зурба я,

Ашукь я квел хайи лезги убаяр.

 

ИкI генани яргъи хьурай рекьер куь,

Зайиф тежез имтигьанра эквер куь…

Ви 75 йисан юбилей тебрикзавай Мерд Али ва адан хизанар.