И йикъара Сулейман-Стальский райондин образованидин управленида Межрегиональный «2018-йисан лап хъсан ученик» конкурсдин муниципальный паюнин нетижаяр кьуна. И гьакъиндай «Лезги газетдиз» Сулейман-Стальский райондин администрациядин пресс-къуллугъди хабар гузва.

Къейд ийин, конкурсдин асул макьсадар жегьилар медениятдиз, алай девирдин образованидиз шерик авун, абурун алакьунар вилик тухун, ватанпересвилин тербия гун ва масабур я.

Конкурсда иштиракун патал чпихъ олимпиадайра, жуьреба-жуьре конкурсрани мярекатра агалкьунар хьанвай, конференцийра иштиракнавай 5 ученикдин портфолио къалурнавай.

Жюридин дестеди къиметар гунин нетижада «2018-йисан лап хъсан ученик» тlварцlиз М.Къараханован тlварунихъ галай Кlварчагърин СОШ-дин 10-классдин ученик Исабег Къагьриманов лайихлу хьана.

М.Рагьимован тlварунихъ галай Курхуьруьн 1-нумрадин СОШ-дин 10-классдин ученица Эмилия Рустамовади ва Цlийихуьруьн СОШ-дин 11-классдин ученица Мержанханум Набиевади 2-чкаяр кьуна.

3-чкани кьве ученицади чпин арада пайна – Курхуьруьн 2-нумрадин СОШ-дин 9-классдин ученица Самира Уружбеговадини Саидхуьруьн СОШ-дин 9-классдин ученица Регина Рамазановади.

«Лезги газет»