2017-2020-йисара Дагъустанда, санлай къачурла, 104 мектеб эцигда. Идакай РД-дин экономикадин ва мулкар вилик тухунин министр Гьажи Султанова хабар гана.
Адан гафаралди, 2017-йисуз республикада — 8, 2018-йисуз 24 мектеб эцигна. 2019-йисуз кIелдай 15800 чка авай 47 мектеб эцигиз гатIуннава.
Министрди къейд авурвал, Дагъустандин Кьил Владимир Васильеван теклифдалди кардик акатай “100 мектеб” проектдин сергьятра аваз Дагъларин уьлкведа цIудралди мектебар цIийи хъувунва. 101 мектеб цIаяр кьуниз акси къурулушдалди таъминарнава, 188 мектебда чимивал гудай къурулушар тамамдиз къайдадиз хканва. 10 мектебда медицинадин рекьяй махсус кабинетар арадал гъанва.
Владимир Васильева мукьвара Дагъустандин агъсакъалрихъ галаз кьиле фейи гуьруьшдал и проектдин важиблувиликай мад сеферда лагьана.
«Лезги газет»
