Ватандин ЧIехи дяведин иштиракчи Ибрагьим-Паша Садикьоваз

сенатор Сулейман Керимова, савкьат яз, 100 миллион манат пул гана

12-январдиз Ватандин ЧIехи дяведин иштиракчи, бине Рутулрин хуьряй тир Ибрагьим-Паша Садикьован 100 йис тамам хьана. Агъсакъалдиз и лишанлу вакъиа Дагъустандин Кьил Сергей Меликовани мубаракна.

Ветерандин кIвале кьиле фейи гуьруьшдал Сергей Меликова адав, юбилей мубарак авуналди, «Дагъустан Республикадин вилик лайихлувилерай» орден вахкана.

Советрин Армиядин жергейриз къуллугъ ийиз эвер гайила, Ибрагьим-Паша Садикьован 18 йис тир. Дяведин йисара ада Керчь, Киев, Харьков, хейлин маса шегьерар фашистрикай азад авунин женгера иштиракнай.

Гъалибвал къачуник чIехи пай кутунай дирибаш дагъви Ватандин дяведин ордендиз, «Ростов хуьнай», «Сталинград хуьнай», «Белоруссия азад авунай», «Варшава азад авунай», Жукован медалриз лайихлу хьана. Ам гьакIни Баркаллувилин ордендин кьве дережадинни сагьиб я.

Юбилей къейдзавай юкъуз Ибрагьим-Паша Садикьова гзаф савкьатар кьабулна. Чи жумарт ватанэгьли Сулейман Керимова лагьайтIа, дяведин иштиракчидиз, вичин патай савкьат яз, 100 миллион манат пул гана.

Агьмед  Магьмудов