1-Майдиз чи уьлкведа Гатфарин ва зегьметдин сувар къейдзава. Урусатдин Зегьметдин кодексдик 112-статьядал асаслу яз, и югъ кIвалах тийизвайди яз малумарнава.

Адет яз, 1-Майдиз уьлкведин жуьреба-жуьре шегьерра суварин шадвилериз талукьарнавай мярекатар кьиле тухузва. ЦIи коронавирусдин тIугъвалдихъ галаз алакъалу яз и мярекатар акъвазарнава.

1-Майдин суварин тарихдиз вил вегьейла якъин жезвайвал, адан кьилин макьсад лежберар, зегьметкешар тебрик, абурун агалкьунар къейд авун я. Уьлкведин экономика, яшайиш, культура, уьмуьрдин вири хилер вилик фин зегьметчи халкьдилай аслу я. Сувариз “Гатфарин ва зегьметдин” тIвар гунни дуьшуьшдин кар туш. Им гьакъикъатдани зегьметчийрин сувар я.

Чна чи ватанэгьлийриз 1-Майдин сувар рикIин сидкьидай мубаракзава. Къуй квехъ, играмибур, кIвалахдин рекье еке агалкьунар, хизанра шадвилер, бахтар хьурай! Вири инсаниятдик къурху кутунвай тIугъвални са чIуру ахвар хьиз алатна фирай. Вири цицIи ва дири хъхьурай! Амин!

«Лезги газет»