ЦIийи ктаб
И йикъара Махачкъалада, «Лотос» чапханада, диндин алим Ямин гьажи Мегьамедован нубатдин ктабдиз дуьнья акуна. «Мусурмандин рехъ» тIвар алай цIийи ктабдин тираж 1 агъзур экземпляр я ва ам 415 чиникай ибарат я.
Ана диндин алим имандиз (акъида), эдебриз, ахлакьриз, ибадатриз ва (яшайишдин крара) алакъавилериз талукь месэлайрикай раханва.
Ямин Мегьамедова сифте гафуна къейднавайвал, ада «Мусурмандин рехъ» ктаб гьазурдайла араб чIалал акъатнавай са жерге ктабрикай менфят къачунва. Араб чIалай лезги чIалаз таржумаяр авунин кьилин макьсад лагьайтIа, араб чIал течизвайбуруз хайи чIалал Исламдин шариатдикай куьрелди чирвилер къачунин кар регьятаруникай ибарат я.
Ктаб «Лезги газетдин» редакциядайни Алкьвадар Гьасанан тIварцIихъ галай центрадай маса къачуз жеда. Къимет — 1 агъзур манат.
«Лезги газет»
