Россиядин Президент Владимир Путинан къарардалди «гаражрин менефисдин» гьакъиндай закон 2031-йисалди къуватда жеда. Идалай вилик и про­ект­дин тереф Государстводин Думадин депутатри рейсадвилелди хвена.

ИкI, уьлкведин агьалийривай мад 5 йисан вахтунда капитальный эцигунрик акатзавай гаражар­ ва абурун кIаник квай чилерин участокар, хсусият яз, кьезил къай­­дада регистрация ийиз жеда (гьелбетда, эгер абуру программа­да къалурнавай истемишунриз жа­­ваб гузватIа).

«Гаражрин менефисдин»  прог­­рамма 2021-йиса­лай кардик ква. Адан макьсад эменнидин хсусиятчийриз гзаф йисарин вилик эцигнавай, амма, жуьреба-жуьре себе­бар аваз, къанунди истемишзавайвал гьи­сабдиз къачун тавунвай чкаяр регистрация ийиз куьмек гун я.

Официальнидаказ гьисабдиз къачунвай хсусиятчивилин ихтиярди  эменнидин иесийриз ам маса ва я ирс яз гудай, багъишдай, залук яз ишлемишдай мумкинвал гузва.

Саида Мурадова