Мегьарамдхуьруьн райондин агьалий­риз шадвилин гьиссерив ацIанвай легь­зеяр футболдай и йикъара ана акьалтIай райондин чемпионатдини­ ба­гъишна. ИкI, райондин виридалай­ни викIегь командадин тIвар патал 15-июндилай ана кьиле фейи турнирдин къугъунра 12 командади чпин ус­тадвал ва алакьунар къалурнавай…

21-августдиз Мегьарамдхуьре, «Леки» стадиондал, футболдай райондин чемпионатдин финалдин акъажунар ва гъалиб хьайи командайрив шабагьар вахкуниз талукьарнавай шад мярекат кьиле фена.

Къизгъиндаказ ва итижлудаказ кьи­ле­ фейи къугъунра КьепIир-Къазмайрин ­хуьруьн – 1, Мегьарамдхуьруьн – 2 ва Та­­­гьирхуьруьн-Къазмайрин командайри­ 3-чка­яр кьуна. КIвенкIвечи чкаяр кьур командайриз медалар ва пулдин пишкешар­ гана. Турнирда виридалайни хъсандиз къугъвай са шумуд кас кьилди пишкешар­ гуналди къейдна. Шабагьар вахкуниз­ ­талукьарнавай шад мярекат райондин­ спортдин, туризмдин ва жегьилрин крарин­ рекьяй отделдин (спортдин серенжемдин тешкилатчи и отдел тир) директор Суфь­ян Селимова кьиле тухвана. 

Рагнеда Рамалданова