Дагъустанда «Профессионалитет» проект­дик кутунвай образованидин идарайрив цIи, санлай къачурла, 1,1 миллион арза агакьнава.Алатай йисав гекъигайла, им са кьадардин виниз  делил я.

Алай вахтунда Дагъустанда, федеральный «Профессионалитет» проектдин сергьятра аваз, арадал гъанвай кьве кластер кардик ква: хуьруьн майишатдин ва туризмдин хилера. Мад кьве кластерди – машиностроение ва информациядин  технологияр – 2026-йисан 1-сентябрдилай кIвалах башламишда. Вири кьуд кластердани кьабулдай программа кардик ква. Ина чIехи пай рабочий пешейрай са чкадал тахминан кьве касди арзаяр вуганва.  И делилди  чирвилер гунин гьерекат тежрибадихъ элкъуьрнавайди  авуниз  ийизвай итиждикай  хабар гузва, гьисабзава РД-дин образованидин ва илимдин министерстводи.

«И кьуд кластердик хуьруьн майишатдин ва туризмдин,  машиностроенидин  ва информациядин  технологийрин хилера пешекарар гьазурзавай вири колледжар акатзава. Медицинадин, спортдин ва культурадинбур квачиз, государстводин саки вири колледжри  «Профессионалитет» проектда иштиракзава. Санлай къачурла, государстводин образованидин – 17 ва кьилдин касдин эменнидик акатзавай 1 колледж.

Къейд ийин, эхиримжи йисара  республикадин колледжра бюджетдин гьисабдай тир чкаяр  къвердавай гзаф жезва: 2022-йисуз 9 374 тиртIа,  цIи – 11 696 чка.

Саида Мурадова