Рамазандин вацран эвел кьилера чна газетдай Ислам диндиз талукь конкурс малумарнай. Иштиракиз кIанзавайбурухъ 15-майдалди конкурсдин суалрин жавабар газетдин редакциядиз рекье твадай мумкинвал авай.
Санлай къачурла, конкурсдин суалриз газет кIелзавай са кьадар ксари чпин жавабар гана. Алай вахтунда Дагъустанда коронавирусдихъ галаз алакъалу гьалар себеб яз кьетIен гьалар (карантин, самоизоляция) давам жезвайвиляй, чавай гъалибчияр тебрикдай, абурув савкьатар вахкудай мярекат тешкилиз жедач. И кардихъ галаз алакъалу яз, редакцияди гъалибчийрин тIварар гьелелиг раиж тийидай къарар кьабулнава.
ТIугъвалдихъ галаз алакъалу яз Роспотребнадзорди тайинарнавай къайдаяр кьезиларайла, чна газетдин чинилай гъалибчийрин тIварар ашкара ийида ва абур тебрикдай мярекат кьиле тухудай вахтуникай хабар гуда.
«Лезги газет»
