Дербент районда Дагъустандин дишегьлийрин Советдин теклифдалди тешкилнавай “Дидедин гъилерин чимивал” акциядин сергьятра аваз Ватандин Чlехи дяведин иштиракчийрин сурарихъ, памятникрихъ гелкъведай ва патарив гвай чкайра михьивилердай субботник кьиле фена.

Субботникда Белиж поселокдин Э.Салигьован, Г.Лезгинцеван тlварарихъ галай  сад ва кьвед лагьай школайри, Сабнова, Рубас, Зидьян-Къазмаяр, Митаги, Геджух, Мичурино хуьрерин дишегьлийрин советрин векилри ва аялри иштиракна.

Райондин дишегьлийрин Советдин председатель Айна Сеидовадин гафаралди,  и акция 9-Майдалди давам жеда.

Къагьриман  Ибрагьимов