Мегьарамдхуьруьн районда ципицlар кlватl хъувунин сезон куьтягь хьана. Райадминистрациядин пресс-къуллугъди хабар гузвайвал, шазандалай цlинин йисуз и районда бегьер артух хьанва.
РД-дин хуьруьн майишатдин ва недай суьрсетдин министерстводи республикадин сергьятра 2018-йисан вахтунда виридалайни гзаф ципицlар арадал гъайи районар раижнава. Вад райондин жергеда Мегьарамдхуьруьн районни ава. И районда 2017-йисуз 13 565 тон ципицlар кlватlна, 2018-йисуз – 13 611 тон. Санлай къачурла, ципицlлухрин майданри 1651 гектар чил кьунвай.
Къейдзавайвал, алай аямдин агротехнологиядикай менфят къачуникди ципицlрин бегьер артух жезва.
«Лезги газет»
