Дагъустандай фена, дяведин махсус серенжемда иштиракна хтанвайбуруз гъилевай йисан сифте кьилелай Россиядин яшайишдин фондунин центрайра медицинадин рекьяй ва санаторийра сагъламвал мягькемар хъийиз пулсуз куьмекзава.
СФР-дин Дагъустандин отделенидин управляющийдин везифаяр тамамарзавай Алжанат Загьидовади хабар гайивал, реабилитациядин центрайриз рекье твадайла, СВО-дин ветерандин гьакъикъи сагъламвал ахтармишзава ва и кар фикирда кьазва.
Эгер СВО-дин иштиракчидиз набутвилин группа авачтIа, пешекарри герек тир ахтармишунар, диагностика кьиле тухуда ва сагъардай къайда тайинарда. Медицинадин центрайриз финин-хтунин харжарни ахпа эвез хъийида.
Хирер хьанвайбур, начагъбур реабилитациядин центрайра 21-23 юкъуз жезва. Санаторийра, курортра — 21 юкъуз.
Сагъламвал мягькемариз, набутвилин группа тайинариз кIанзавайбурувай Россиядин яшайишдин фондунин Дагъустанда авай отделенидиз арза кхьиз жеда. И кар МФЦ-дин ва «Госкъуллугъар» порталдин куьмекдалди авуртIа, мадни регьят я. СФР-дин отделенидин пешекарар арзадиз кьве юкъуз килигда ва гъиле-гъил аваз чпин къарардикай касдиз хабар гуда. 1-группадин набутвал авайбур сифте нубатда сагъар хъийидай чкайриз ракъурда.
Талукь месэладикай тамам жавабар кIанзавайбурувай телефондин агъадихъ галай нумрадиз зенг ийиз жеда: 8 872 98-73-01.
Абад Азадов
