11-октябрдиз Махачкъалада, «Россия – зи тарих» паркуна, международный дережада аваз ирид лагьай сеферда «Лезги диктант» кхьида.

Шаз хьиз, алай йисузни «Лезги диктант» чи халкьдин баркаллу руш Фируза Назимовна Керимовадин мергьяматлувилин «Иман» фондунин куьмекдалди «Лезги газетдин» редакцияди кьиле тухуда.

ЦIи диктант лезгийрин машгьур шаир, гьикаятчи, тарихчи Забит Ризванован 100 йисан юбилейдиз талукьарнава.

Диктантдин сергьятра аваз, са жерге мярекатар тешкилдайвал я: Забит Ризванован уьмуьрдин ва яратмишунрин рекьиз, эдебиятдиз талукьарнавай конкурс (гъалибчийриз пулдин пишкешар гуда), диктантдин иштиракчийрин арада багьа пишкешар къугъун (розыгрыш призов), Махачкъала, Каспийск, Дербент шегьерра лезги чIалан тарсар гузвай са жерге муаллимрив пулдин пишкешар вахкун, хъенчIин къапариз талукь мастер-класс, диктантдин иштиракчияр патал кофе-брейк, тIуьнар, ширинлухар ва жуьреба-жуьре выставкаяр.

Мярекат нисинин сятдин 2-даз (14:00) гатIунда.

"Лезги газет"