Дагъустандин лежберри  зулун магьсулрин, картуфрин ва емишрин бегьер кIватI хъувунин кIвалах давамарзава. Зулун магьсулар 78,7 агъзур гектардин майдандай  кIватI­на куьтягьнава. Бегьерлувал са гектардай 20 центнер яз, санлай къачурла, 157,2 агъзур тонн бегьер вахчунва.  Гьа са вахтунда ви­ридалайни виниз тир нетижаяр Къизляр ­райондин магьсулдаррихъ хьанва (16,7 агъзур тонн), хабар гузва РД-дин хуьруьн майишатдин ва недай суьрсетдин министерстводин информациядин къуллугъди. 

Майваяр 16,8 агъзур гектардин майдандай кIватIнава. Бегьерлувал са гектардай 323,5  центнер яз, санлай къачурла, 545,2 агъзур тонн  бегьер кIватI хъувунва. Идалайни гъейри, 5 агъзур гектардай  100,6 агъзур тонн картуфрин, 10,9 агъзур гектардин майдандай 70,7 агъзур тонн емишрин  бегьер вахчунва.

Майваяр виридалайни гзаф Дербент райондихъ —  259,2 агъзур тонн, емишар  Мегьарамдхуьруьн райондихъ  — 19,5 агъзур тонн хьанва.

Экономикадин отдел