“Лезги газетдиз” РД-дин хуьруьн майишатдин ва суьрсетдин министерстводин пресс-къуллугъди хабар гайивал, октябрдин эвел кьилера Дагъустанда, санлай къачурла, 138 агъзурни 176 тонн ципицIар кIватI хъувунва.
Къейд ийин хьи, бегьердикай 114 агъзур тонн гьялдай карханайрив агакьарнава, саки 29 тонн маса ганва.
Министерстводин пресс-къуллугъдин векилдин гафаралди, ципицIар кIватI хъувунин карда Дербент (46 агъзур тонн), Къаякент (22,7 агъзур тонн), Табасаран (13,4 агъзур тонн) районар кIвенкIвечи жергейра ава. Юкьван гьисабдалди, 1 гектардай 97 центнер бегьер кIватI хъийизва.
РикIел хкин, алатай йисуз Дагъустандин майишатри 168,8 агъузр тонн ципицIар кIватI хъувунвай.
2018-йисуз республикада уьзуьмчивилин хел вилик тухуниз Дагъустандин бюджетдай 580 миллион манат пул чара авуна. Алай вахтунда Дагъларин уьлкведа ципицIлухрин майданри 25 агъзур гектар тешкилзава. Абурукай 18 агъзур гектар бегьер гузвайбур я.
«Лезги газет»
