Сулейман-Стальский районда 750 миллион манат инвестицийралди са агъзур гектарда фад бегьердал къведай багълар кутунин проект уьмуьр­диз кечирмишун планламишзава. Идан гьакъиндай саласа юкъуз региондин парламентдин сессиядал Гьукуматдин кьил Артем Здунова малумарна.

“Гьеле исятда Сулейман-Стальский районда яд пайдай къанал туь­кIуьрунин кIвалахар куьтягьзава. И кар кьилиз акъудайдалай гуьгъуьниз 2 2,5 агъзур гектар дигидай чилер ишлемишуник кутада. И чилерал 1 агъ­зур­­ гектарда ичин, пIинийрин ва шуьмягърин фад бегьердал къведай багълар - “СтIалрин багълар” инвестпроект уьмуьрдиз кечирмишда.

Адан гафаралди, инвестицийрин кьадарди 750 миллион манат тешкилда. “И карди кIвалахдин тахминан 150 чка арадал гъидай  мумкинвал гуда”, - алава хъувуна региондин Гьукуматдин кьили.

Чи мухбир